Наоми Осака е новата шампионка на Австралија Опен!

Јапонската тенисерка Наоми Осака го освои Австралија Опен откако денес во финалето ја победи Петра Квитова.

Осака одигра одличен меч и успеа да дојде до Грен Слем титулата со победа од 2:1 во сетови против Квитова. Јапонската тенисерка во текот на целиот натпревар беше на високо ниво и изненади со одличниот настап против искусната Квитова.

Во првиот сет гледавме голема борба и се беше решено дури во тај-бреј, а таму подобра беше Осака со 7:2. Мечот можеше да биде решен во вториот сет. Осака имаше 5:3 и три меч топки на сервис на противничката. Квитова успеа да се спаси и да дојде до гем за 5:4.

После три изгубени меч топки, Осака го изгуби и својот сервис, па Квитова изедначи на 5:5. Така го врати претходно изгубениот брејк. Иако имаше проблеми на свој сервис Квитова поведа со 6:5 и дојде до пресврт за на крајот да го добие сетот со 7:5 и изедначи на 1:1.

Третиот сет Осака го доби со 6:4 и стигна до големата титула.

За Осака ова беше втора Грен Слем титула откако го освои УС Опен, а од наредната недела ќе биде прва тенисерка.