Нагелсман откри зошто го одбил Реал Мадрид

Јулијан Нагелсман е еден од најмладите тренери во Европа, но веќе со големо искуство и докажан талент.

Тој со голем успех го води тимот на Лајпциг оваа сезона и се бори за титулата во Бундеслигата заедно со Баерн Минхен, а сега призна дека во минатото го одбил Реал Мадрид.

Имено, Нагелсман добил понуда од шпанскиот гигант да го наследи Зинедин Зидан на клупата, но учтиво ги одбил „кралевите“.

„Кога Реал Мадрид ќе ти се јави, нормално е да размислувате. На почетокот бев многу изненаден, но размислив и не се чувствував комотно да го преземам тој чекор. Сакам да се подобрам, а ако веднаш отидете во Реал Мадрид, веќе ќе немате време за подобрување како тренер. Таму нема да имате време да станете добар, таму треба да бидете најдобар“.

„Во овој момент не сум најдобар, но признавам дека во иднина сакам да бидам еден од најдобрите. Ако отидете во Реал и Барселона, медиумите и притисокот нема да ви дозволат да напредувате. Поради тоа одбив да го наследам Зидан“, открива Нагелсман.