![](https://sportski.mk/wp-content/uploads/2024/07/Screenshot_4-10-850x491.jpg)
Хулијан Алварез како што стојат работите ќе го напушти Манчестер Сити, а како фаворит за неговиот потпис во овој момент е Атлетико Мадрид.
Диего Симеоне веќе ги направил првите чекори и го повикал својот сонародник да пристигне како замена за Алваро Мората кој ќе се пресели во Милан.
Лига Нации: Се освен прво место ќе биде катастрофа за Македонија! ↓↓↓
Алварез е поласкан од понудата, смета дека Атлетико е вистинскиот клуб кој ќе му понуди место како редовен стартер што во овој момент за него е најважно. Ако остане во Сити ќе продолжи да биде во ротација со Ерлинг Халанд кој ќе има многу поголема минутажа.
Сепак, според доверливи аргентински извори, Алварез чувствува дека е време за поголем предизвик и постојано да биде на теренот, да напредува и да постигнува голови, а Симеоне во него гледа клучен играч за нов почеток.
Манчестер Сити наводно не сака да го пушти, а во неговиот договор има откупна клазула од 60 милиони евра, меѓутоа таа истекува за три дена – на 20-ти јули.
До 20-ти јули веројатно нема време да се комплетира трансферот, па ќе видиме како ќе се одвиваат работите.