Модриќ: Се уште имам сили за Реал Мадрид

Ѕвездата на Реал Мадрид, Лука Модриќ призна дека не е задоволен од сезоната која заврши, но е многу амбициозен пред почетокот на новата сезона.

Модриќ знае дека ова лето ќе се зголеми конуренцијата на „Сантиаго Бернабеу“, но тој смета дека се уште има сили и квалитет да го носи дресот на Реал Мадрид.

„Се чувствувам одличо, иако признавам дека оваа сезона не беше добра за мене и за клубот. Се уште имам сили и квалитет да му помогнам на Реал Мадрид“, изјави Модриќ.

„Сигурно летово ќе дојдат големи фудбалери во Реал, имаме потреба од нови засилувања. Јас се надевам дека ќе имам добра сезона и дека ќе играм на високо ниво. Очекувам исто така сезоната да биде добра и за клубот и да освоиме многу трофеи“, додаде Хрватот.