Милевски: Трансферот на Алиоски нема да му биде проблем во репрезентацијата

Денес главна тема во македонската фудбалска јавност беше претставувањето на Благоја Милевски за нов селектор на репрезентација.

На прес-конференција Милевски беше прашан и за негово мислење за Езгјан Алиоски кој неодамна одлучи кариерата да ја продолжи во Саудиска Арабија.

„Со Алиоски сакав да се сретнам, имаше желба и од моја и од негова страна, но средбата за жал не се оствари поради неговото патување во Саудиска Арабија. Му честитам на изборот на клубот, ќе игра во можеби најсилниот клуб во таа земја. Во првенството на Саудиска Арабија има навистина квалитетни страници, па не верувам дека ќе имаме проблем во репрезентацијата“, изјави Милевски.