Милан испрати понуда за Депај

Милан веќе подолго време е заинтересиран за холандскиот репрезентативец Мемфис Депај и сака летово конечно да го комплетира трансферот.

Ѕвездата на Лион сака да ја промени средината, а Милан е дестинација која му се допаѓа, па „росонерите“ веќе стапиле во контакт со агентот.

Холанѓанецот игра во одлична форма, па го привлече вниманието на голем број европски гиганти. Меѓутоа, Милан е спремен да ја победи конкуренцијата.

Крилниот напаѓач ова лето ќе биде примарна цел на „росонерите“, а во прилог им оди целокупната ситуација. Имено, поради пандемијата сезоната во Франција заврши предвреме, па цените на фудбалерите драстично ќе паднат, а Депај инсистира на трансфер.

Италијанските медиуми пренесуваат дека Милан испратил понуда од 30 милиони евра и сега се чека одговор од Лион.