Мејсон во стабилна состојба после стравичната повреда на „Стенфорд Бриџ“

Фудбалерот на Хал Сити, Рајан Мејсон, се наоѓа во стабилна состојба по операцијата на главата која итно му беше извршена откако се здоби со тешка повреда на натпреварот против Челзи на „Стенфорд Бриџ“.

25-годишниот Мејсон се повреди во 12-та минута по еден воздушен дуел со Гери Кејхил. Мејсон и Кејхил се судрија со главите, а 25-годишниот остана да лежи на теренот. Тој се здобил со фрактура на черепот и имал излив на крвта во мозокот, поради што мораше итно да биде опериран.

Мејсон кариерата ја започна во Тотенхем, а од 2016 година е играч на Хал Сити.