„Мегваер? Кога гледам фудбал на село во недела има барем тројца како него“

Холандскиот ветеран Рафаел Ван Дер Варт беше баш остар кон најскапиот дефанзивец Хари Мегваер.

Големото дерби на „Олд Трафорд“ помеѓу Манчестер Јунајтед и Ливерпул секогаш привлекува големо внимание и после натпреварот следуваат коментари од сегашни и поранешни фудбалери.

Натпреварот заврши без победник со головите на Рашфорд и Лалана.

Ван Дер Варт ја упати досега можеби најголемата критика за Мегваер.

„Кога гледам аматерски клуб на село во недела можам да видам барем тројца играчи како Мгвање. Можеби звучи глупаво, но тоа е мое мислење. Зборуваме за играч платен 90 милиони евра, ако Мегваер вреди толку, колку вреди Ван Дер Варт?“, поентираше Холанѓанецот за медиумите.