Килијан Мбапе иако беше блиску до трансфер во Реал Мадрид, сепак реши да остане во ПСЖ и го продолжи договорот со „светците“ до 2025 година.
Мбапе денес на пресконференција заедно со своето семејство го официјализираше новиот договор и откри зошто решил да остане во ПСЖ.
Дербија во Мадрид и Минхен: Последна шанса за Тен Хаг? ↓↓↓
„Беше многу тешка одлука. Сакав да имам доволно време за да го направам вистинскиот избор. „Одлуката ја донесов минатата недела и не им кажав на соиграчите. Потоа му се јавив на Флорентино Перез. Имам голема почит кон Реал Мадрид, тие направија се, ми ги дадоа сите услови и благодарен сум им. Имав обврска да им се јавам и лично да им кажам“.
„Сите знаат дека сакав да си одам минатото лето, тоа беше најдобра можна одлука во тоа време. Но помина една година и тоа се промени. Знам што можам да ѝ донесам на мојата земја, земјата во која сонував да играм. Има емотивен момент кон мојата земја. Проектот се промени и мислам дека мојата приказна не заврши тука“, изјави Мбапе.
„Сега потпишав нов договор. Тоа е лична одлука. Не гледам во иднината, не знам каде ќе бидам за три години. Важно ми е сега што сум овде. Разбирам дека во Реал се разочарани, се надевам дека ќе ја разберат мојата одлука“, додаде Французинот.