Мартинез: Ќе ми беше многу полесно доколку го повикав Наинголан, но тоа ќе беше грешка

Селекторот на Белгија која веќе еднаш ја објаснуваше одлуката да не го повика Раџа Наинголан, сега повторно зборуваше на оваа тема.

Роберто Мартинез не го повика Наинголан за Мундијалот во Русија, а оваа негова одлука крена огромна прашина, посебно во Белгија.

Раџа имаше одлична сезона во Рома, но на крајот сепак остана без повик.

„Ќе ми беше многу полесно доколку го повикав, но тоа ќе беше голема грешка за сите нас. Немаше да биде исправна одлука“, изјави Мартинез за белгиските медиуми и продолжи:

„Не носам одлуки врз база на имињата. Бирам играчи кои можат да придонесат за топ перформанс на репрезентацијата. Некои одлуки не ве прават популарни, но тоа е работата на селекторот“, изјави Мартинез.