Манчестер Јунајтед го избра новиот капитен

Манчестер Јунајтед одлучи капитенската лента во иднина да ја носи Бруно Фернандеш.

Тен Хаг одлучи Хари Мегваер повеќе да не биде капитен на тимот, тоа го потврди и самиот дефанзивец пред неколку дена. Сега е познато и кој ќе го наследи.

Англиските медиуми пишуваат дека во Јунајтед, никој немал дилеми дека Португалецот ќе ја добие капитенската лента. Фернандеш во Јунајтед е од јануари 2020 година.

Во изминатите денови и тој доби понуди од Саудиска Арабија, меѓутоа неговиот став беше јасен – сака да продолжи да го носи дресот на Јунајтед.