Лоши вести за Интер и Лукаку

Враќањето на Ромелу Лукаку на терените се одложува после новите лекарски прегледи кои беа направени денес.

Лукаку ќе биде подложен на дополнителни тестови на почетокот на следната недела и Симоне Инзаги се надева дека Белгиецот ќе биде подготвен за натпреварот против Фиорентина на 22 октомври.

Белгиецот има повреда на мускулот на ногата и засега не е јасно кога повторно ќе заигра, иако се очекуваше да се врати овој викенд.

Меѓутоа, рехабилитацијата се одвива забавено, па после денешните тестови стана јасно дека нема да може да продолжи со тренинзи.

Лукаку ова лето се врати во Интер, но нема среќа со повредите, а се надева дека наскоро ќе се врати за да влезе во ритам за Мудијалот.