Лотито го потврди новиот тренер на Лацио

Претседателот на Лацио, Клаудио Лотито за медиумите потврди дека Игор Тудор е замената за Маурицио Сари на кормилото на тимот.

Хрватскиот тренер претходно работеше во Олимпик Марсеј, а се етаблираше како тренер во Верона.

„Во Игор видовме личност која е во состојба да ја насочи екипата кон вистинскиот пат. Тудор има искуство, карактер и способност. Не сакам да зборувам за Сари, време е да се стави точка на тоа“, кажа Лотито.