Лидс го „краде“ Пулишиќ пред носот на Јувентус

Кристиан Пулишиќ би можел кариерата да ја продолжи во Лидс, пренесуваат медиумите на Островот.

23-годишниот офанзивен фудбалер не беше стартер во тимот на Тухел, но и со промената на тренерот неговиот статус не се промени.

Поради тоа Пулишиќ сака да ја промени средината во зимскиот преоден рок, а интерес за него покажува Јувентус.

Меѓутоа, сега во трката за потписот за репрезентативецот на САД се приклучи Лидс, кој е спремен да испрати подобра понуда.

Јувентус сака да го донесе Пулишиќ на позајмица со право на откуп, додека Лидс спремил понуда од 35 милиони фунти и во моментов е поблиску до неговиот потпис.