Лигата на шампиони синоќа доби дебитант во елитното натпреварување

Понекогаш е доволно малку среќа за да го оствариш сонот. Лига на шампиони доби нов дебитант за сезона 2020/21.

За прв пат во клупската историја на групната фаза ќе играат фудбалерите на Рен, кои оваа сезона во Лига 1 ја завршија на третата позиција.

Рен требаше да игра плеј-оф, но после победата на Севиља над Волвс, дојде до одредени поместувања во квалификациите за сезона 2020/21.

Освен Рен профитираше и Војводина која наместо во второто сега ќе игра во третото претколо во ЛЕ.

Резултатите се поклопија и за Славија Прага која како шампион на Чешка заврши во групната фаза во ЛШ, додека руски Краснодар ќе игра плеј-оф за елитното натпреварување.