Ливерпул носи ГОЛЕМО засилување и им ја расипува работата на Барса

Ливерпул може да добие големо засилување уште во јануари.

Знаете дека Ливерпул е заинтересиран за Марко Асенсио од Реал и Лоренцо Инсиње од Наполи, како и дека еден од нив двајца во голем трансфре би можел да пристигне на „Енфилд“ уште во јануари. Наводно, Ливерпул е подготвен да се отвори за едно квалитетно засилување, за да ги подобрат своите шанси во борбата за титулата.

И додека сите зборуваат за големи имиња и бројки, се појави една многу пореална опција. Имено, според пишувањата на францускиот „L`equipe“, Ливерпул би можел да го ангажира Адриен Рабиот од ПСЖ. Јасно е дека Рабиот ќе се раздели со ПСЖ, па англискиот гигант е заинтересиран за неговите услуги.

По тоа се појавија приказни дека Рабиот се договорил со Барса, но токму споменатиот медиум, како и каталонските медиуми се упорни во тврдењата дека договор помеѓу францускиот играч и шампионот на Шпанија не постои. Францускиот весник верува дека токму Ливерпул е првиот кандидат за доведување на играчот, а освен Ливерпул и Барса, за него се заинтересирани и Тотенхем и Јувентус.