Ливерпул бара замена за Ван Дајк, прва мета Скриниар

Дефанзивецот на Ливерпул, Вирџил ван Дајк заработи тешка повреда на коленото на мечот против Евертон минатиот викенд.

Деталните лекарски прегледи покажаа дека повредата е сериозна, па Ван Дајк ќе отсуствува од терените околу 7 месеци, што значи дека сезоната за него е завршена.

Поради тоа приоритет на „црвените“ во зимскиот преоден рок ќе биде доведување на врвен дефанзивец, а прва мета е играчот на Интер, Милан Скриниар.

Скриниар не се вклопува во формацијата на Конте и Интер е спремен да го продаде, а Ливерпул ќе се обиде да ја победи конкуренцијата, бидејќи за неговиот потпис силен интерес покажува и Тотенхем.

Цената на Скриниар изнесува помеѓу 40 и 50 милиони евра, а како негова алтернатива се посочува Озан Кабак од Шалке.