Легендата на Арсенал застана во одбрана на Џака

Во англиските медиуми една од главните теми е Гранит Џака и неговиот статус во Арсенал.

Швајцарецот кој во новата сезона тргна како капитен, со потегот на натпреварот против Кристал Палас ги разочара навивачите на Емирати.

Многумина сметаат дека на Џака му се одбројани деновите во Арсенал и во текот на зимата ќе ја промени средината, меѓутоа во негова одбрана застана сегашниот тренер на Ница и легендарен француски фудбалер Патрик Виеира.

„Го сакам, до вчера беше капитен. Воопшто не му е лесно, за него ова е можеби најтешкиот период во кариерата. Кога сте игра и кога работите на теренот не изгледаат како што сакате, логично е да бидете фрустрирани, а “жешките“ глави понекогаш го прават тоа што не го сакате.“ – изјави Виеира и додаде:

„Не смееме да заборавиме што направи Џака откако го облече дресот на Арсенал и поради тоа заслужува почит. Верувам дека ќе излезе посилен од ова и ќе покаже колку е добар.“