Лацио донесе две големи засилувања: Бадељ и Кореа пристигнуваат во Рим

Раководството на Лацио во еден ден потврди дека големи засулувања, едно во нападот и едно во средниот ред.

Имено, римскиот клуб потврди дека постигнал договор со Севиља за трансфер на крилниот напаѓач Жоаким Кореа, а трансферот ќе изнесува 16 милиони евра плус бонуси.

Ова за Кореа ќе биде враќање во Серија А, откако пред две години од Сампдорија се пресели во Севиља, а во Рим треба да биде замена за Филипе Андерсон.

Другото големо засилување за „лацијалите“ е храватскиот репрезентативец Милан Бадељ. Играчот за врска беше слободен агент и се поврзуваше со многу клубови, но на крајот го избра Лацио.

Двајцата фудбалери се очечуваат утре да пристигнат во Рим на медицински прегледи, а потоа ќе потпишат четиригодишни договори со Лацио.