Лаказет: Трофеј во Лигата на Европа може да го спаси Венгер

После разочарувачката сезона во Премиер лигата многумина веруваат дека Арсенал на крајот од сезоната ќе се раздели со искусниот Арсен Венгер.

„Топчиите“ во овој момент се наоѓаат на шестата позиција во англиското првенство што е под сите очекувања, но Венгер е насочен кон Лигата на Европа и тоа е единствената шанса за Арсенал да се избори за место во Лигата на шампионите наредната сезона, а со тоа и да ја спаси сезоната.

Дека освојувањето на Лигата на Европа може да го спаси Венгер, смета и напаѓачот Александар Лаказет.

„Со освојувањето на Лигата на Европа, Венгер би си ја задржал работата. На тој начин би ја спасиле сезона, не сме баш добри во Премиер лигата, но преку Лигата на Европа можеме да ја оствариме нашата цел“, изјави Лаказет за медиумите на Островот.

Да потсетиме, Арсенал во полуфиналето од Лигата на Европа ќе игра против шпански Атлетико Мадрид.