Куман: Де Јонг е многу поопасен пред голот од Нејмар

Барселона вчера го претстави својот нов напаѓач, Лук Де Јонг кој дојде во последниот ден од преодниот рок како позајмен играч од Севиља.

Холанѓанецот во Барселона ќе работи со својот сонародник, Роналд Куман кој за него има само пофални зборови.

„Лук е поинаков напаѓач од тие што го имаме. На управата за него им зборував уште минатата сезона, сакам да имам различен тип на напаѓачи. Лук е многу поопасен од Нејмар во нападот затоа што знае подобро да изреагира пред голот после додавање од соиграчите“, смета Куман.

Во Барселона Де Јонг пристигна откако се реализираше трансферот на Гризман во Атлетико, Барса има право да го откупи неговиот договор идното лето.