Конте ја одби Рома, „волчицата“ тргнува по Сари

Раководството на Рома е спремно да започне преговори со Маурицио Сари, откако доби „корпа“ од Антонио Конте.

Конте беше прв избор за „волчицата“, но трофејниот италијански стратег денес јавно порача дека во овој момент нема услови да се пресели на „Олимпико“.

Сега Рома ќе се насочи кон тренерот на Челзи, Маурицио Сари, кој наводно е отворен да се врати во татковината.

Сепак, одлуката ќе зависи од Челзи, кој може да одлучи да го задржи Италијанецот, особено откако обезбеди пласман во Лигата на шампиони за наредната сезона.

„Сините“ во неколку наврати оваа сезона беа на чекор да му врачат отказ на Сари, но на крајот сепак го задржаа.

Раководството на Рома е спремно да започне преговори и во наредните денови ќе испрати официјална понуда до неговиот агент.

✍? | Roma are reportedly set to make an offer to hire Maurizio Sarri after being rejected by Antonio Conte. #CFC https://t.co/GAVDEToDw2 pic.twitter.com/eJDRwqCOOe

— Read Chelsea (@ReadCFC) May 7, 2019