Комичен момент на СП за жени: Шпанска фудбалерка си постигна автогол од половина терен

Денес започна нокаут фазата на женското фудбалско Светско првенство, а на натпреварот помеѓу Швајцарија и Шпанија видовме еден необичен момент.

Шпанија издоминира и победи со 5:1 во натпревар во кој имаше 70% посед на топка и 25 удари кон противничкиот гол. Сепак, најголемо внимание привлече автоголот кој си постигна Лаја Кодина во 11-тата минута.

Шпанската фудбалерка се наоаѓаше на половина на теренот кога ја врати топката кон својот гол, но не забележа дека голманката е далеку од гол-линијата, па топката заврши во мрежата.

За нејзина среќа Шпанија доминираше, па овој кикс не влијаеше на конечниот исход.

ГОЛОТ МОЖЕТЕ ДА ГО ПОГЛЕДНЕТЕ – ТУКА.