Колетску признава дека кажал „негру“, но тврди: Не сум расист

Себастијан Колетску вчера предизвика голем скандал во мечот помеѓу ПСЖ и Башакшехир.

Колетску кој имаше улога на четврти судија расистички го навредил Вебо, членот на стручниот штаб на гостите. По натпреварот тој призна дека кажал „негру“ што на романски значи црно, но тврди дека тоа не е расистичка навреда во неговата земја и дека тој не е расист.

„Негру на романски значи црно. Но јас не сум расист, тоа не е расистичка навреда во нашата земја“, изјави Колетску за француските медиуми.

Инаку, станува збор за човек кој предизвикувал скандали во текот на целата негова кариера, а со она што го направи вчера дефинитивно си ја заврши кариерата. Повеќе за него прочитајте тука.