Келн има сериозни планови: Чурлинов добил понуда за професионален договор!

Македонскиот фудбалер кој го носи дресот на Келн Дарко Чурлинов добил понуда за професионален договор.

Келн се најде во проблем затоа што Чурлинов кој игра се подобро има „младински договор“, а прикажува одлични настапи.

Германците пишуваа дека Чурлинов веќе сака да добива шанса и постојано да биде во првиот тим. Ќе потсетиме тој веќе дебитираше во Бундес лигата во натпреварот против Волфсбург кога доби 20-тина минути. Ако одлучи да ја промени средината наводно во прв план засега е Штудгарт.

Меѓутоа сега директорот на Келн потврди дека Чурлинов добил понуда да потпише професионален договор.

„Разговаравме откако се врати од Македонија, пред него е понуда за професионален договор. Се надевам дека ќе направи правилен избор. Ние имаме желба и понатаму да соработуваме. Не се сомневаме дека во него има потенцијал“, изјави Армин Вах.

Чурлинов неодамна постигна два гола убедливата победа на младинската селекција на Македонија против Фарски Острови од 7:1.

Во Келн каде што кажавме дека веќе дебитираше, Чурлинов е некаде измеѓу. Во последниот викенд играше за младинскиот тим, меѓутоа потоа тренираше со првиот тим.

Останува да видиме дали сега кога веќе е потврдено дека има понуда, Чурлинов ќе се реши да продолжи да настапува во Келн и со овој клуб да го потпише првиот професионален договор.