Кандрева повторно се „прослави“: Промаши празен гол и запиша асистенција (ВИДЕО)

Вчера Интер без поголеми проблеми се справи со тимот на Рапид Виена во реваншот на свој терен во рамките од 1/16 финалето во Лигата на Европа.

Интер после победата од 1:0 на гостински терен вчера со убедливи 4:0 беше подобар на свој терен и со вкупни 5:0 продолжи во следната фаза. За „покер“ во мрежата на Рапид се погрижија Весино, Ранокија, Перишиќ и Политано.

Првиот погодок на италијанскиот клуб брзо стана хит на социјалните мрежи, а во центарот на вниманието беше Антонио Кандрева кој забележа едно неверојатно промашување. Од половина метар до мрежата на противникот Кандрева ја промаши топката и не погоди на празна мрежа, но за негова среќа Весино беше тука да ја поправи грешката која ја направи.

Меѓутоа тоа нема да му помогне на Кандрева кој оваа сезона според голем дел од навивачите на Интер не е на потребното ниво.

antonio candreva world class assists? pic.twitter.com/OgF7ROdez6

— deVrij smile (@deVrijTeeth) February 22, 2019

Се уште свежи се сеќавата на големото промашување на Кандрева во рамките од четврфиналето на купот на Италија.

Тогаш натпреварот беше решен после изведувањето на пенали. Во регуларниот дел беше 0:0, додека во продолженијата видовме по еден погодок на двете страни. Во пенал рултетот Лацио беше подобриот тим.

Антонио Кандрева во тој натпревар можеше да му донесе победа на Интер уште во регуларниот дел, меѓутоа се истакна со едно од најголемите промашувања во сезоната.