Каков ден во Серија А: Пет натпревари – 28 гола!

Дека Италијанците повеќе не играат само „катанаџо“ доказ беше и вчерашниот ден во Серија А.

Имено вчера во Италија се одиграа пет натпревари и во нив паднаа 28 гола – 5.6 голови во просе по натпревар. Најефикасни беа Рома – Беневенто натпревар кој се играше во вечерниот термин, 5:2 за „волчицата“ и Болоња – Сасуоло (12:30) дуел кој заврши со победа на гостите од 3:4 откако домаќините водеа со 3:1. Спезија и Фиорентина одиграа 2:2, а со по 3:2 победи запишаа Удинезе дома против Парма и Каљари кај Торино.

Просекот на голови не беше лош ниту во саботата. На четири натпревари беа постигна 13 гола што носи просек од 3.25 по натпревар. Наполи со 4:1 ја победи Аталанта, Сампдорија го доби Лацио со 3:0, Милан славеше во градското дерби со Интер 2:1, додека Јувентус ги разочара навивачите со ремито кај Кротоне (1:1).

Колото ќе биде затворено вечерва во кое Горан Пандев и Џенова ќе гостуваат кај Верона.