И француски клуб тргнува по Барди!

Како што стојат работите македонскиот репрезентативец Енис Барди ќе си замине од Трабзонспор по само шест месеци.

Последните информации од турските медиуми беа дека Трабзон веќе го известил Барди дека може да си бара нов клуб.

Претходно се пишуваше дека два клуба од Шпанија и два од Италија од кои се откриваше само името на Торино сакале да го доведат во своите редови (тука). Сега пристигнува дополнување, по потписот на Барди ќе тргне и француска Ница.

Турските медиуми пренесуваат дека засега не пристигнала официјална понуда од ниту еден клуб и се е само интерес, па допрва ќе треба да се влегува во преговори и да се види кој клуб е најсериозен да го доведе.

Барди во Трабзонспор пристигна минатото лето за сума од три милиони евра по испаѓањето на Леванте во втората шпанска лига.