Историски ден за фудбалот: Судот пресуди во корист на Перез и Суперлигата – ФИФА и УЕФА ја изгубија битката!

Судот за правда на Европската унија со седиште во Луксембург донесе одлука во полза на иницијаторите за создавање на Суперлигата.

Оваа одлука во Луксембург денес може да има големо значење за фудбалот во иднина, а за Флорентино Перез кој е главниот иницијатор ова е голема победа против ФИФА и УЕФА.

„Забранувањето на ФИФА и УЕФА за секој проект за ново клупско натпреварување како што е Суперлигата со санкции и забрана за клубовите и играчите е нелегално“, стои во дел од пресудата донесена утрово.

Оваа одлука зсначи дека Флорентино Перез и сите останати иницијатори за формирање на Суперлига имаат отворен пат без закани за било какви санкции од УЕФА или ФИФА. Единственото нешто кое сега е пред Перез е да убеди доволен број на клубови дека проектот е вистински.