Интер спреми нов договор за Џеко

Интер сака да го задржи Един Џеко во своите редови и спреми нов договор за искусниот напаѓач, пренесува „Калчомеркато“.

36-годишниот напаѓач игра одлично оваа сезона, но неговиот договор со „нероаѕурите“ истекува на лето.

Интер наскоро ќе започне преговори за продолжување на соработката, но не е јасно дали Џеко ќе прифати да остане или ќе се пресели во САД.

Џеко оваа сезона има 6 гола и 3 асистенции и одлично го замени повредениот Лукаку. Медиумите се оптимисти дека напаѓачот ќе остане во Интер и покрај фактот што има понуди од САД.