Инзаги: Заминувам, не можам да ги поднесам лагите

Пипо Инзаги потврди дека си заминува од кормилото на Беневенто со кого не успеа да избори опастанок во Серија А.

После последниот натпревар во сезоната, Инзаги објасни дека заминува бидејќи не може повеќе да ги поднесе лагите на раководството.

„Бевме обединети кога победувавме, но кога почнавме да губиме се чуствував сам. Дури имаше и официјално соопштение во кое бев обвинет дека не сум ги гледал последните 5 минути од мечот со Кротоне. Не можам да ги поднесам лагите. Разочаран сум, јас и моите помошници работевме по 10 часа на ден“, изјави Пипо.

Италијанските медиуми пренесуваат дека Пипо е прв фаворит за тренерското место во Монца, која е во сопственост на Берлускони.