Икарди откри зошто не е повикан во репрезнтацијата

Селекторот на Аргентина, Жорге Сампаоли одлучи да не го повика Мауро Икарди во репрезентацијата и така крена голема прашина во медиумите.

Икарди во овој момент е еден од најдобрите напаѓачи во Европа, а тоа го докажа и во последното коло од Серија А каде што постигна дури четири погодоци.

Сепак, иако докажа дека е во добра форма и покрај повредата не доби повик во репрезентацијата. По овој потег на Сампаоли поголемиот дел од јавноста очекува Икарди да не биде повикан и за Мундијалот.

Приказната е од поодамна е веќе позната, Лионел Меси и уште неколку фудбалери се на страната на Макси Лопез со кого Икарди не е во добри односи. Сепак според зборовите на Икарди тоа не е причината.

„Зборував со Сампаоли. Знаев дека ќе бидам изоставен овој пат бидејќи бев повреден. Тоа е единствената причина поради која не сум повикан“, изјави Икарди.