Икарди може да заврши во Валенсија

Валенсија се приклучи на трката за потписот на Мауро Икарди и ќе се обиде да го реализира трасферот до затворањето на преодниот рок.

Икарди иако е надвор од тимот на Интер, ова лето ги одби сите понуди и реши да остане на „Џузепе Меаца“, притоа ги тужеше „нероаѕурите“.

Сега Интер е спремен да го пушти и на едногодишна позајмица, а таквата ситуација сака да ја искористи Валенсија.

Сепак, „Газета дело Спорт“ смета дека има малку шанси ова да се случи, бидејќи желбата на Икарди е да остане во Серија „А“ односно во Интер.

Меѓутоа, на напаѓачот му е јасно дека во Милано воопшто нема да добие шанса да игра, па можно е да се согласи да се пресели на едногодишна позајмица во Примера.