Ибрахимовиќ: Не планирам да запирам со фудбалот

Ѕвездата на Милан, Златан Ибрахимовиќ уште еднаш потврди дека не планира да се пензионира.

41-годишниот Ибра се опоравува од повредата на коленото и се очекува во јануари да се врати на терените.

„Се уште не мислам да се откажам. Имам премногу голема страст кон фудбалот. Се забавувам секој ден бидејќи сметам дека кога ќе запреш со фудбалот премногу недостасува. Не сакам да се каам што не сум продолжил да играм уште, а сум можел“, изјави Ибра.

„Додека сум на ниво ќе играм за да видам до каде можам да стигнам. Додека имам резултати ќе играм. Денот кога ќе ја загубам брзината, сакам луѓето околу мене да бидат чесни и да ми кажат. Тогаш ќе ја прифатам реалноста“, додаде Ибра.