Зидан бира меѓу ПСЖ и Серија А

Поранешниот тренер на Реал Мадрид, Зинедин Зидан е се уште без ангажман и често се поврзува со неколку европски гиганти.

Летово Зидан доби понуда од Пари Сент Жермен, но не ја прифати понудата на францускиот клуб.

Медиумите во Италија тврдат дека Зидан чека понуда од Серија А. Поточно Зизу сака да седне на кормилото на Јувентус доколку Макс Алегри добие отказ.

Јувентус лошо ја започна сезоната, па притисокот на Алегри се зголеми и можно е да добие отказ доколку резултатите не се поправат пред Мундијалот.

Француските медиуми исто така потврдуваат дека во моментов има само две опции за Зидан во иднина – Пари Сент Жермен и Јувентус.