Емери е пред отказ, а тој го тврди спротивното

Емери наводно се наоѓа на чекор од отказ во Арсенал.

Шпанскиот стручњак со Топџиите бележи слаби резултати и тоа според англиските медиуми го донесе од чекор до отказ.

Раководството на Арсенал наводно е многу блиску до одлука за отказ. Сето тоа треба да се заврши многу брзо, а привремено улогата на менаџер треба да ја превземе Фреди Љумберг.

Неколку имиња се поврзуваат со тренерското столче во Арсенал, а за сега главен фаворит е актуелниот менаџер на Волвс, Нуно Еспирито Санто.

И додека англиските медиуми тврдат дека тој е близу до отпуштање, Емери тврди дека има поддршка.

„Клубот навистина ме поддржува, апсолутно сите. Јас навистина го ценам тоа“, рече Емери.

Сепак, ќе видиме што ќе се случува во наредните денови, а сигурно е дека на шпанскиот менаџер не му се пишува добро ако продолжи со серијата лоши резултати.