Една година без Кројф: Ајакс и Барса се присетуваат на генијалниот Холанѓанец!

Еден од најдобрите фудбалери во историјата, Јохан Кројф почина минатата година на денешен ден, во 68-та година од животот по долгата и тешка болест.

На Кројф во 2015 година му беше дијагностициран рак на белите дробови, по што беше хоспитализиран и беше ставен на терапии. Во последното обраќање кон јавноста порача дека го добил првото полувреме против тешката болест, но, за жал, не успеа да го преживее второто. Почина во Барселона, еден од неговите два града, а вториот беше Амстердам каде се роди.

Во текот на играчката кариера Кројф со Ајакс освои три шампионски европски титули, како и шест шампионски титули во Холандија пред да се пресели во Барселона каде во текот на пет години освои една шампионска титула и еден шпански Куп.

Како тренер три години го водеше Ајакс (1985-1988) и освои две шампионски титули во Холандија и Купот на победниците на Куповите (1987), а потоа мина осум години на клупата на Барселона со која во 1992. година го освои првиот европски шампионски трофеј за „гордоста на Каталонија“. Покрај тоа, четири години по ред ја освојуваше шампионската титула во Шпанија. Во 1991 година мораше да замине на операција на срцето, а тренерската кариера ја заврши во 1996. година откако доби отказ во Барселона.
Поради тоа денес Ајакс и Барселона со кратки видеа се присетија на „генијалецот“ и ја одбележаа годишнината од неговата смрт.

Alweer een jaar geleden dat hij ons ontviel, maar nog altijd in ons hart: Johan Cruijff.#vooraltijdnr14 pic.twitter.com/JVgMQWdrny

— AFC Ajax (@AFCAjax) March 24, 2017

G⚽️AL MORNING!!! Today marks a year since the death of @JohanCruyff, and so we commemorate it with this goal against Madrid pic.twitter.com/a4ffL8bVrm

— FC Barcelona (@FCBarcelona) March 24, 2017