Евра во стилот на Кантона: Нога во глава и тоа кон своите навивачи, следува ли продолжение на инцидентот? (Видео)

Во Манчестер го обожаваа, но Патрис Евра и Марсеј никако „да кликнат“.

А по вечерашниот инцидент на гостувањето кај Виторија Гимараеш тешко дека нивните односи ќе се поправат. Искусниот француски бек имено, себе си дозволи во стилот на легендарниот Кантона, со карате удар да влета на трибините.

Попрецизно, влета во просторот за рекламни паноа кај головите, но тоа ниту малку не ја менува ситуацијата дека Евра се насочи директно кај навивачите.

Но, ако Кантона ги таргетираше навивачите на Кристал Палас, Евра постапи лудо и се залета кон своите навивачи.

Се закрчка уште пред почетокот, го навредуваа навивачите на загревањето, цел Олимпик тим влезе во расправа, но Евра не можеше да се контролира. Со нога в глава. Неверојатно!

Секако, судијата веднаш го исклучи, а не се сомневаме дека оваа приказна ќе има свое продолжение и откако се изгасат камерите.

#VSCOM un truc de fou s'est passé entre des supporters semble-t-il Marseillais et des joueurs dont Evra ! Ça a tapé ! @OM_Officiel #TeamOM pic.twitter.com/C9Cozns6X4

— Karim Attab (@karimattab1) November 2, 2017