Дрита Ислами последна во квалификациите на 400 метри во Минхен 🎥

Maкедонската најдобра атлетичарка Дрита Ислами лошо истрча на денешната квалификациска трка на 400 метри со пречки во Минхен.

Патеката Ислами ја мина за 1.01.56. минути што е далеку полош резултат од нејзиниот личен рекорд кој воедно е и македонски 57.53. По слабиот настап таа се огласи на социјалните мрежи барајќи ја причината во тешката сезона.

„Борејќи се со повреди цела сезона, а и со коронавирусот пред само две недели и тоа по вторпат годинава, не се чувствував доволно конкурентна, но решив да трчам и да го дадам најдоброто од себе на ЕП. Но, тоа што го научив е дека морам да обрнам внимание на моето здравје на прво место. Сега се фокусирам на 2023 година и да имам убав почеток следната сезона“, објави Ислами на социјалните мрежи.

Со ваквиот заврши учеството на македонските атлетичари на ЕП, во понеделникот Дарио Ивановски не успеа да ја заврши трката.