Драма во Хрватска: Изрешетан автомобилот на директор на Осијек!

Во центарот на Осиjек бил оштетен автомобилот на спортскиот директор на НК Осијек, Португалецот Хозе Бота, а штетата била предизвикана со седум куршуми од огнено оружје

Автомобилот „VW“ на Бот бил паркиран во преминот кој води до улицата Шамачка во центарот на градот. „Јутарњи лист“ пренесува дека дури седум истрели биле испукани од предниот дел на автомобилот, во шофершајбната на возачкото седиште.

Од полициската управа Осиек-Барања не можеа да ги потврдат деталите за инцидентот, но изјавија дека околу девет часот добиле пријава за оштетено ветробранско стакло на автомобил паркиран во центарот на Осиек.

Повеќе детали за настанот се очекуваат по завршување на истрагата која е во тек, напоменуваат од полицијата.

Бото беше назначен за спортски директор на НК Осиек во јануари годинава, а засега нема официјална изјава од клубот за инцидентот.

Во овие моменти Бота е во неговата Португалија каде што го минува годишниот одмор.