Ди Марија поради смртни закани нема да се врати во Росарио

Аргентинскиот фудбалер Анхел Ди Марија (36) се откажа од трансферот во Росарио откако доби смртни закани.

 Првите закани ги доби во март додека беше во САД со репрезентацијата. Тогаш неговата сестра на работа добила кутија во која имало свинска глава со куршум во челото.

„Во кутијата имаше и порака дека следната глава во кутијата ќе биде мојата ќерка Пиа“, откри Ди Марија.

Аргентинските власти ги опишаа заканите кон Ди Марија како обид за демонстрација на моќ од криминалните организации во Росарио, каде што има зголемување на насилството поврзано со дрога и банди.

Ди Марија играше за Росарио од 2005 до 2007 година, а потоа се пресели во Бенфика каде ја доживеа својата афирмација.