Дибиров: Јас сум Македонец и горд сум на тоа, Македонија е земјата во која сакам да живем и во иднина (ВИДЕО)

Рускиот репрезентативец и член на Вардар Тимур Дибиров беше гостин во емисијата „Улица Македонија“.

Финансиските проблеми во Вардар секогаш се интересни за медиумите, па така и овој пат Дибиров доби прашање за ситуацијата во таборот на „црвено-црните“.

„Шпекулациите за некакво пропаѓање на Вардар не ги разбирам. Во Вардар се е супер, платата е редовна и функционираме одлично. Мислите ли дека јас Чупиќ, Карачиќ, Боразан играме без пари“.

Дибиров потенцираше и дека се чуствува како Македонец и дека неговите деца се Македонци.

„Јас и официјално сум Македонец, а и моите деца се Македонци, ќерката е родена во Скопје. Горд сум на тоа, не ми треба пасош само за да играм за репрезентацијата, туку и за Македонија да биде земјата во која ќе живеам во иднина“, порача Дибиров.

Во продолжение можете да го погледнете целото интервју на Дибиров.