Дибиров: Денес сите сме Македонци!

Ракометарите на Вардар вчера беа пречекани на плоштадот во Скопје откако во викендот зад нас одново ја вратија европската титула во Скопје.

Еден од најемотивните на сцената беше Русинот Тимур Дибиров кој на среде плоштад порача – Денес сите сме Македонци.

„Кога пред две години ја освоивме титулата Чупиќ кажа: Цел живот сум Хрват, но денес се чуствувам како Македонец. Денес ние сите сме како Македонци! Искрено, не мислев дека вакво нешто ќе доживеам по втор пат. Ви благодарам Македонци и уште еднаш – денес сите сме Македонци“, гласно порача на плоштад Дибиров.