Де Геа наскоро потпишува нов договор, Шпанците тврдат: Поставена е неговата цена!

Еден од најдобрите голмани во светот, Давид Де Геа наскоро ќе потпише нов договор со Манчестер Јунајтед, пренесуваат англиските медиуми.

Актуелниот договор на Шпанецот истекува по 18 месеци, а „црвените ѓаволи“ му понудија нов договор до 2021 година. Според новиот договор 27-годишниот голман ќе добива 220.000 фунти неделно.

Од друга страна пак шпанска „Марка“ тврди дека Манчестер Јунајтед независно од договорот веќе ја поставил цената на Де Геа која изнесува 100 милиони евра.

Познато е дека Де Геа е најголема трансфер желба на Реал Мадрид, па останува да видиме дали „кралевите“ се спремни да ја платат таа сума.