Дерби на денот: На Ливерпул му гори под нозе, на Челзи не му е гајле за тоа

Денес се играат заостанатите натпревари од 8-то коло во Премиер лигата, а во фокусот секако ќе биде дербито помеѓу Челзи и Ливерпул.

Дуел на два тима кои се големо разочарување оваа сезона. Челзи се наоѓа на средината на табелата, додека Ливерпул се уште има шанси да стигне до 4-то место и на „црвените“ бодовите им се повеќе потребни.

Челзи со трет тренер оваа сезона

Челзи игра сезона за заборав, иако се уште се борат во лигата на шампиони каде се во четвртфиналето. Пред два дена „сините“ му врачија отказ на Потер после серијата на лоши резултати, па Бруно Салтор беше назначен како привремен тренер. Тој ќе биде трет тренер на Челзи оваа сезона, со оглед на фактот дека сезоната ја започнаа со Тухел на клупата. Челзи оваа сеозна потроши огромна сума на засилувања, доведе неколку млади фудбалери кои треба да бидат костур на тимот за следните години, но оваа сезона е промашена и нема да обезбедат пласман во ЛШ следната сезона. Единствена опција за тоа е да ја освојат Лигата на шампиони, што ќе биде тешко, но „сините“ до крајот ќе се насочат само кон тоа натпреварување. Поради тоа ова дерби за нив нема да има резултатско значење, но секако дека ќе сакаат да остварат позитивен резултат за да ја подобрат атмосферата во соблекувалната.

Може ли Ливерпул до пласман во Топ 4?

Ливерпул исто така игра разочарувачка сезона, рано испадна од трката за титулата, а сега е далеку и од пласман во Топ 4. Тоа сигурно ќе биде голем удар за клубот од „Енфилд“, но јасно е дека на лето следуваат големи промени во тимот. Клоп сака да донесе нови засилувања, млади фудбалери кои ќе го освежат тимот за да започне нов циклус. Елиминацијата во Лига на шампиони беше исто така во рака фаза, бидејќи од Ливерпул се очекуваше да стигне подалеку од осминафиналето. Сега останува само борбата за 4-то место, „црвените“ заостануваат цели осум бода, но сигурно нема да се предадат до крајот. Клоп сака да направи серија од победи, а овој меч може да биде клучен бидејќи ако не освои бодови на овој меч ќе може да се збогува со пласман во ЛШ. Добрата вест е враќањето на Дијаз, кој ја пропушти скоро цела сезона. Тоа е и најголемиот проблем на Ливерпул оваа сезона, бидејќи имаше многу повреди на важни фудбалери. За овој дуел нема да може да смета на Бајчетиќ, Алкантара и Кеита.

Очекување

Дуелите на овие два тима се секогаш непредвидливи, но по традиција се богати со голови, па веруваме дека така ќе биде и овој пат. Бодовите му се повеќе потреби на Ливерпул, па му даваме мала предност на „црвените“.