Дарио Ивановски мотивиран: Целиот свој живот се подготвував за овој настан

Дарио Ивановски е последниот македонски олимпиец кој ќе настапи во Париз.

Утре наутро Ивановски ќе го трча маратонот низ улиците на главниот град на Франција. Пред утрешната трка, Ивановски порача дека цел живот се подготвувал за овој момент.

„Целиот свој живот се подготвував за ваков настан. Три недели одлично ја темпирам формата. Можам да кажам дека таа е зголемена и енергијата е прекрасна со сите спортисти околу мене.

Се чувствувам подгтовен. Очекувам да бидам во првата половина и да ја истрчам мојата најдобра трка. Цела Македонија нека ужива утре со мене на олимписката трка“, порача Дарио.