Дали Мундијалот ќе биде без најдобриот фудбалер на светот?

Дидие Дешамп денеска ќе го објави конечниот список на патници на Светското првенство во Катар, а последните информации ги загрижија фановите.

Како што објавија шпанските медиуми, ѕвездата на Реал Мадрид и француската репрезентација, Карим Бензема повторно не го завршил тренингот и е неизвесен за Мундијалот.

„Не е ништо страшно. Карим се обиде денеска да тренира, но не можеше“, изјави Карло Анчелоти.

Бензема се мачи со повредата на бутниот мускул и од почетокот на сезоната пропушти 11 меча за „кралевите“.

Франција сигурно ќе остане без повредените Пол Погба и Нголо Канте на Мундијалот, па останува да видиме дали најдобриот фудбалер во светот ќе биде на списокот.