Дали Заха со овој потег најави трансфер во Баерн?

Ѕвездата на Кристал Палас, Вилфред Заха започна соработка со познатиот израелски менаџер Пини Захави.

Захави застапува некои одлични играчи како Роберт Левандовски, а сега се грижи и за кариерата на крилниот напаѓач на Кристал Палас.

Сега Захави има задача да го одведе Заха во Баерн, а германскиот клуб веќе некое време се интересира за овој фудбалер.

Сепак, англиските медиуми тврдат дека Заха најверојатно нема да ја напушти Англија до крајот на месецот и дека неговиот трансфер ќе биде реализиран на крајот на сезоната.

Покрај Баерн, за услугите на Заха се заинтересирани и Арсенал и Евертон.