Далиќ ја пофали Македонија: Тој натпревар ќе биде одличен тест за нас

Фудбалската репрезентација на Македонија на 3-ти јуни ќе игра против Хрватска на стадионот „Рујевица“ во Ријека, а селекторот на Хрватска Златко Далиќ ја гледа Македонија како идеален противник во подготовките за Европското првенство.

За Хрватска тој натпревар ќе биде претпоследен во подготовките и според Далиќ тоа ќе биде одлична можност да видат до каде се и што можат да поправат за првенството.

„Македонците се одличен противник за таа фаза од подготовките. Зборуваме за репрезентација која ремизираше дома со Италија и Англија.

Тоа е доволен показател дека тој натпревар за нас ќе биде вистински испит до каде сме со подготовките пред заминување на Европското првенство и што треба да поправиме“, изјави Далиќ.