Грожан за пеколот во Бахреин: Се сетив на Ники Лауда и си кажав – не смееш вака да завршиш!

На последната трка во Ф1 во Бахреин се случи вистински хаос во кој болидот на Роман Грожан заврши во оградата и се запали.

Сцената на патеката во тие моменти навистина беше застрашувачка, за среќа Грожан помина само со изгореници на рацете. Сега тој за медиумите зборуваше за тие моменти.

„Се сетив на многу работи, но и на Ники Лаудa, си помислив: Нема шанси да завршам вака! Поради моите деца си кажав дека морам да излезам. Ги ставив рацете во оган и ги изгорев. Бев повеќе исплашен за моите пријатели и семејство, како и за моите деца кои се мој извор на гордост. Среќен сум што денес сум жив. Имам потреба да се вратам во визолото, ако е можно веќе во Абу Даби. Ова е како повторно да сум се родил, дефинитивно тој ден ќе остави трага во мојот живот“, изјави Грожан.